1 හැඳින්වීම සහ නෛතික එකඟතාවය
'අභිමන්ත්‍ර සුභාසිරි ආයතනය' (මෙහි මින් 'අභිමන්ත්‍ර' ලෙස හැඳින්වේ) වෙත ඔබව සාදරයෙන් පිළිගනිමු. අපගේ වෙබ් අඩවිය, WhatsApp, හෝ වෙනත් මාර්ගයක් හරහා 'සේවා පැකේජයක්' සඳහා ඉල්ලුම් කිරීමෙන් හෝ/සහ ගෙවීමක් සිදු කිරීම මගින්, ඔබ:
- (අ) වයස අවුරුදු 18 සම්පූර්ණ වූ, නීත්‍යානුකූලව බැඳී සිටීමට හැකියාව ඇති පුද්ගලයෙකු බවත්;
- (ආ) මෙම 'සේවා කොන්දේසි' (Terms & Conditions) සහ 'මුදල් ආපසු දීමේ ප්‍රතිපත්තිය' (Refund Policy), විශේෂයෙන් 5.1 සහ 5.2 වගන්තිවල සඳහන් '100%ක ප්‍රතිඵල සහතිකයක් නොමැති බව' (No 100% Guarantee) ඇතුළුව, සම්පූර්ණයෙන් කියවා, අවබෝධ කරගෙන, ඒවාට කොන්දේසි විරහිතව එකඟ වූ බවටත් නෛතිකව සලකනු ලැබේ.
- (ඇ) ඔබ විසින් ලබාදෙනු ලබන තොරතුරු 100% ක් සත්‍ය බවටත්, ව්‍යාජ තොරතුරු ලබාදීම හරහා සිදුවන ඕනෑම නෛතික හෝ මූල්‍ය අලාභයක් සඳහා ඔබ පුද්ගලිකව වගකියන බවටත් එකඟ වේ.
විශේෂ නෛතික සටහන: ශ්‍රී ලංකාවේ 2006 අංක 19 දරන ඉලෙක්ට්‍රොනික ගනුදෙනු පනතට අනුව, ඔබ WhatsApp හෝ වෙබ් අඩවිය හරහා ලබාදෙන එකඟතාවය, ලියාපදිංචි වීම හෝ බැංකු රිසිට්පතක් එවීම වලංගු ඩිජිටල් අත්සනක් ලෙස නීතිය ඉදිරියේ පිළිගැනේ.
වැදගත්: අප දේවාලයක් නොවේ. මංත්‍ර මගින් පමණක් සේවාව සපයනු ලැබේ. කිසිදු අවස්ථාවක අපගේ ආයතනය භෞතිකව පැමිණෙන පුද්ගලයින්ට දේවාලයක් ලෙස විවෘතව නොමැත.
ඔබ මෙම කොන්දේසිවලට එකඟ නොවන්නේ නම්, කරුණාකර අපගේ සේවාවන් ලබා ගැනීමෙන් වළකින්න.
2 අපගේ කැපවීම සහ ආචාර ධර්ම
2.1. සේවාවේ පදනම: අප විසින් සපයනු ලබන සියලුම සේවාවන් පදනම් වී ඇත්තේ පුස්කොළ පොත්පත්වල සඳහන් පාරම්පරික මන්ත්‍ර ශාස්ත්‍රය, ජ්‍යෝතිෂ්‍යය සහ මනෝවිද්‍යාත්මක මූලධර්ම මත මිස, කිසිදු පොදු දේවාලයක්, සාස්තර කීමක්, හෝ අඳුන් බැලීමක් මත නොවේ.
2.2. ආචාර ධර්ම: අන්‍යන්ට හානි කිරීම, වංචා කිරීම, පවුල් බිඳ දැමීම, හෝ සමාජ විරෝධී (නීති විරෝධී) ක්‍රියා වැනි අයහපත් අරමුණු සඳහා අප කිසිදු සේවාවක් සපයන්නේ නැත.
2.3. රහස්‍යභාවය (Confidentiality): ඔබ විසින් සපයනු ලබන සියලුම පෞද්ගලික තොරතුරු (නම, ඡායාරූප, ගැටලුව) 100%ක රහස්‍යභාවයකින් යුතුව, තෙවන පාර්ශවයකට හෙළි නොකර සුරක්ෂිතව තබා ගැනීමට අපි නීත්‍යානුකූලව බැඳී සිටිමු. සේවාව අවසන් වී දින 120කට පසු අදාළ දත්ත අපගේ සර්වර් වලින් ස්වයංක්‍රීයව විනාශ කෙරේ.
2.4. නීතිය ක්‍රියාත්මක කිරීමේ ආයතන: කෙසේ වෙතත්, ශ්‍රී ලංකාවේ වලංගු අධිකරණ නියෝගයක් හෝ නීතිය ක්‍රියාත්මක කරන ආයතනයක (පොලිසිය/CID) ලිඛිත ඉල්ලීමක් මත පමණක්, පාරිභෝගික දත්ත අදාළ ආයතන වෙත ලබා දීමට අභිමන්ත්‍ර ආයතනය නීතියෙන් බැඳී සිටී.
3 ගාස්තු සහ ගෙවීම් ප්‍රතිපත්තිය
3.1. 'No Consultation Fee' ප්‍රතිපත්තිය: අපගේ නව ව්‍යාපාර ආකෘතියට අනුව, ඔබගේ ගැටලුව සාකච්ඡා කිරීමට, අප හා සුහද කතාබහක් (WhatsApp/Call) කිරීමට, හෝ ඔබට ගැලපෙන පැකේජය තෝරාගැනීමට, අප කිසිදු 'මූලික විමර්ශන ගාස්තුවක්' හෝ 'උපදේශන ගාස්තුවක්' අය නොකරයි. (මෙය 'හමුවීම්' සඳහා වන රු. 5,800 ගාස්තුවට අදාළ නොවේ).
3.2. පූර්ණ ගෙවීම: තෝරාගත් 'සේවා පැකේජය' (Service Package) ආරම්භ කිරීමට ප්‍රථමයෙන්, ඒ සඳහා නියමිත සම්පූර්ණ ගාස්තුව (100%) ගෙවිය යුතුය.
3.3. වාරික ගෙවීම් (Installments): විශේෂ අවසරයක් මත වාරික ගෙවීමට අවස්ථාව ලබා දුන් විට, නියමිත දිනට වාරික පියවීම පාරිභෝගිකයාගේ වගකීමකි. නියමිත දිනට පසුව දිනකට රු. 850 ක ප්‍රමාද ගාස්තුවක් (Late Fee) අයකෙරෙන අතර, ගිණුම ස්වයංක්‍රීයව අත්හිටුවනු ලැබේ.
3.4. ගාස්තු පිළිබඳව අවබෝධය: සත්‍ය, බලගතු ශාස්ත්‍රීය කටයුත්තක් සඳහා අවශ්‍ය ද්‍රව්‍ය, ශ්‍රමය සහ කාලය සලකා බැලූ විට, 'රු. 2,000-5,000' වැනි සොච්චම් මුදල් වලට එම සේවාවන් ලබා දිය නොහැකි බව කරුණාවෙන් සලකන්න. අපගේ විනිවිද පැකේජ ගාස්තු, අප ලබා දෙන අව්‍යාජ, වෘත්තීය සේවාවේ වටිනාකම පිළිබිඹු කරයි.
3.5. සැඟවුණු ගාස්තු නොමැති බවට වන සහතිකය: සේවා පැකේජ සඳහා ඉහත දක්වා ඇති ගාස්තුව, ඔබගේ කාර්යය සඳහා වන සම්පූර්ණ සහ අවසාන අයකිරීම බවට අභිමන්ත්‍ර ආයතනය සහතික වේ. තෝරාගත් පැකේජය හැර, අතරමගදී තව පූජාවක් තියෙනවා, තව බඩුවක් ඕනේ කියමින් හෝ වෙනත් කිසිදු හේතුවක් මත, අමතර, සැඟවුණු ගාස්තු අය නොකෙරේ.
3.6. අමතර සේවා සඳහා අයකිරීම්: ඉහත 3.5 වගන්තියේ සහතිකය, ඔබ ගෙවූ මූලික පැකේජයට පමණක් අදාළ වේ. කරුණාවෙන් සලකන්න:
- (අ) ඔබ විසින්ම ඉල්ලුම් කරනු ලබන නැවත ආරම්භ කරන සේවාවන් හෝ අලුතින් ලබාගන්නා වෙනත් සේවාවන් සඳහා අමතර ගාස්තු අය කෙරේ.
- (ආ) 'හමුවීම්' (Appointments) පිටුවේ සඳහන් පරිදි, පෞද්ගලිකව හමුවීම සඳහා වන වෙන් කිරීම් (Bookings - රු. 5,800) සඳහා අමතර ගාස්තු අය කෙරේ.
- (ඇ) ඔබ ලබාගන්නා වශී සේවාවට අදාළ වෙන් කිරීමක් සිදුකිරීමට සිදුවේනම් (අනියම් සබදතා වැනි) ඒ සඳහා අමතර ගාස්තු අය කෙරේ.
4 සේවාලාභියාගේ අනිවාර්ය වගකීම්
ප්‍රතිඵලයක් සඳහා ඔබගේ පූර්ණ සහයෝගය අත්‍යවශ්‍ය වේ. පහත සඳහන් වගකීම් ඉටු කිරීමට ඔබ එකඟ වන අතර, මෙම වගකීම් කඩ කිරීම, 'මුදල් ආපසු දීමේ' (Refund) හිමිකම සම්පූර්ණයෙන්ම අවලංගු කිරීමට සෘජු හේතුවක් වනු ඇත.
- 4.1. සත්‍ය සහ නිවැරදි තොරතුරු: සේවාව සඳහා අවශ්‍ය සියලුම තොරතුරු (නම, උපන් දිනය, වේලාව, ඡායාරූප, ගැටලුවේ විස්තර) 100%ක් සත්‍ය සහ නිවැරදිව ලබා දීම ඔබගේ වගකීමකි. අන් අයෙකුගේ අනන්‍යතාවයක් භාවිතා කිරීම (Identity Theft) දඬුවම් ලැබිය හැකි වරදකි.
- 4.2. අනිවාර්ය දෛනික යාවත්කාලීන කිරීම: 'සබඳතා ගොඩනැගීමේ' (වශී) පැකේජ සඳහා පමණක්, කාර්යය ආරම්භ කළ දින සිට, දිනපතා රාත්‍රී 7:00ත් 9:00ත් අතර, කාර්යයේ ප්‍රගතිය පිළිබඳ කෙටි පණිවිඩයක් (WhatsApp Update) හෝ ඔබට ලබාදෙන අපගේ වෙබ් පද්දතිය (Portal) හරහා අප වෙත ලබා දීම අනිවාර්ය වේ.
- 4.3. පිළි/කිලි කොන්දේසි: සේවාව ආරම්භයේදී අප දන්වන, නියමිත කාලසීම තුළ පිළි (ආහාර) වර්ග වලින් වැළකී සිටීම, කිලි ගෙවල්වලට යෑමෙන් වැළකීම, සහ නිර්මාංශ වීම (අවශ්‍ය නම්) වැනි ශාස්ත්‍රීය කොන්දේසි 100% ක් නිසි පරිදි පිළිපැදීම.
- 4.4. මානසික සෞඛ්‍යය: සේවාලාභියා දැනට මානසික ප්‍රතිකාර ලබන අයෙකු නම්, වෛද්‍ය උපදෙස් ලබාගැනීම ප්‍රමුඛ වේ. අපගේ සේවාවන් කිසිදු ආකාරයකින් වෛද්‍ය ප්‍රතිකාර සඳහා ආදේශකයක් නොවේ.
- 4.5. වගකීම් කඩ කිරීම: ඉහත 4.1, 4.2, හෝ 4.3 වගන්ති කඩ කිරීම, 'මුදල් ආපසු දීමේ' (Refund) හිමිකම කිසිදු පූර්ව දැනුම්දීමකින් තොරව සම්පූර්ණයෙන්ම අවලංගු කිරීමට සෘජු හේතුවක් වනු ඇත.
5 වැදගත් නෛතික වගකීම් වියාචනය (Disclaimer)
5.1. ප්‍රතිඵල සහතික නොකිරීම (No 100% Guarantee): ගුප්ත විද්‍යාව, ජ්‍යෝතිෂ්‍යය සහ මන්ත්‍ර ශාස්ත්‍රය යනු 100%ක් නිශ්චිත විද්‍යාවන් නොවේ. අපගේ සේවාවන්හි ප්‍රතිඵල, සේවාලාභියාගේ කර්මය (Karma), විශ්වාසය (Faith), නිදහස් කැමැත්ත (Free Will) සහ අපට පාලනය කළ නොහැකි බාහිර සාධක මත දැඩි ලෙස රඳා පවතී.
5.2. නෛතික වගකීමෙන් නිදහස් වීම: කිසිදු නිශ්චිත ප්‍රතිඵලයක් සඳහා (උදා: දින 3න් 100%ක් ගෙනත් දෙනවා) අප විසින් නෛතික සහතිකයක් ලබා නොදෙන අතර, සේවාවන්හි ප්‍රතිඵල පිළිබඳව අප කිසිදු නීත්‍යානුකූල වගකීමක් හෝ වන්දි ගෙවීමක් භාර නොගන්නා බව කරුණාවෙන් සලකන්න. අප ලබා දෙන්නේ අපගේ උපරිම ශාස්ත්‍රීය මගපෙන්වීම සහ වෘත්තීය සේවාව පමණි.
5.3. ඇස්තමේන්තුගත කාල රාමු: සේවා පැකේජ සඳහා ලබා දෙන (උදා: දින 03 සිට) කාල රාමු, අපගේ අත්දැකීම් මත පදනම් වූ ඇස්තමේන්තු (Estimates) පමණි. ඒවා නීතියෙන් සහතික කළ දින ගණන් නොවේ. විවිධ බාහිර ශක්තීන්ගේ බලපෑම් මත මෙම දින ගණන වෙනස් විය හැක.
5.4. මූල්‍ය උපදෙස් නොවීම: අපගේ සේවාවන් ව්‍යාපාර දියුණුව හෝ ධනය ආකර්ෂණය සඳහා ලබාදෙන නමුත්, එය කිසිසේත්ම වෘත්තීය මූල්‍ය හෝ ආයෝජන උපදෙසක් (Financial Advice) ලෙස නොසැලකිය යුතුය.
6 මුදල් ආපසු දීමේ සහ අවලංගු කිරීමේ ප්‍රතිපත්තිය
6.1. අවලංගු කිරීම (By Client): සේවාවක් සඳහා ගෙවීම් කළ පසු, සේවාලාභියාගේ පෞද්ගලික ඉල්ලීම මත එය නතර කළහොත් (Cancelled by Client), ගෙවූ මුදල් ආපසු ලබා දීමක් කිසිසේත්ම සිදු නොකෙරේ.
6.2. මුදල් ආපසු දීමට සුදුසුකම් (Eligibility): මුදල් ආපසු දීමක් (Refund) සලකා බලනු ලබන්නේ 'සබඳතා ගොඩනැගීමේ' (වශී) සේවාවන් සඳහා පමණි. ඒ සඳහා, සේවාලාභියා විසින් ඉහත 4 වන වගන්තියේ සඳහන් සියලුම කොන්දේසි 100%ක් ඉටු කර තිබිය යුතුය.
6.3. මුදල් ආපසු නොගෙවන පොදු අවස්ථා (Strictly Non-Refundable):
- (අ) සේවාලාභියා විසින් ඉහත 4 වන වගන්තියේ කොන්දේසි කඩ කළහොත් (උදා: දෛනික Update ලබා නොදීම).
- (ආ) 'සබඳතා' සේවාව හැර, වෙනත් කිසිදු 'යන්ත්‍ර', 'මන්ත්‍ර', 'නැකත්', හෝ 'TrueMatch' සේවාවක් සඳහා.
- (ඇ) 'හමුවීම්' (Appointment) සඳහා ගෙවන ලද රු. 5,800.00 ගාස්තුව සහ වෙනත් ඕනෑම අමතර සේවාවක් සඳහා ගෙවූ ගාස්තු.
- (ඉ) වාරික ගෙවීම් පදනම මත සේවාව ලබාගෙන, සම්පූර්ණ ගාස්තුව පියවා නොමැති අවස්ථාවකදී.
6.4. මුදල් ආපසු ලබාදීමේ ක්‍රියාවලිය සහ කාලසීමාව: සුදුසුකම් ලත් සේවාලාභියෙකු විසින් මුදල් ආපසු ලබාගැනීම (Refund) සඳහා නිල වශයෙන් අයදුම් කළ දින සිට, සාමාන්‍යයෙන් දින 30 ත් 90 ත් අතර කාලසීමාවක් ඒ සඳහා ගතවනු ඇත. ආයතනය විසින් මෙම මුදල් ආපසු ගෙවීම් සිදු කරනු ලබන්නේ නව සේවාලාභීන්ගෙන් ලැබෙන සේවා ගාස්තු අරමුදලින් වන බැවින්, අයදුම්පත් ලැබී ඇති අනුපිළිවෙලට (Queue Order) පමණක් ගෙවීම් සිදු කෙරේ. එබැවින්, ඉල්ලුම්කරුවන් ප්‍රමාණය වැඩි අවස්ථාවකදී ගෙවීම් ක්‍රියාවලිය දින 90 කට වඩා ප්‍රමාද විය හැකි අතර, එවැනි විශේෂ අවස්ථාවලදී ඉහත දින 90 ක කාලසීමාවට අමතරව තවත් උපරිම දින 60 ක අතිරේක කාලයක් ගතවිය හැකි බවට සේවාලාභියා මෙයින් කොන්දේසි විරහිතව එකඟ වේ.
7 සන්නිවේදනය සහ දෘශ්‍ය සාක්ෂි
7.1. සන්නිවේදන වේලාවන්: කාර්යයේ ප්‍රගතිය විමසීම සඳහා දුරකථන ඇමතුමක් ලබා දෙන්නේ නම්, එය අපගේ නිල කාර්යාල වේලාවන් වන සවස 4:00ත් 5:00ත් අතර කාලය තුළ පමණක් සිදු කරන මෙන් ඉල්ලා සිටිමු. (WhatsApp සහ Portal පණිවිඩ සඳහා මෙම සීමාව අදාළ නොවේ).
7.2. දෘශ්‍ය සාක්ෂි ප්‍රතිපත්තිය (No Video/Photo Proof Policy): ගුරුකම්, පූජාවන්, හෝ මන්ත්‍රණය කිරීම්, වීඩියෝ තාක්ෂණය ඔස්සේ සජීවීව පෙන්වීමක් (Live Video), පටිගත කිරීමක් (Recording), හෝ ඡායාරූප (Photos) ලබා දීමක්, ශාස්ත්‍රීය රහස්‍යභාවය (Sacred Secrecy), කාර්යයේ ශක්තිය (Energy Preservation) සහ අපගේ බුද්ධිමය දේපළ ආරක්ෂා කිරීම සඳහා සිදු නොකෙරේ. අපගේ 'සේවා ද්වාරය' (Client Portal) හරහා කාර්යයේ ප්‍රගතිය (Status) පමණක් දැනුම් දෙනු ලැබේ.
8 නීතිමය විධිවිධාන
8.1. වගකීම් සීමා කිරීම (Limitation of Liability): අපගේ සේවාවන් භාවිතා කිරීමෙන් ඔබට ඇතිවිය හැකි කිසිදු සෘජු, වක්‍ර, ආර්ථිකමය, මානසික හෝ පුද්ගලික හානියක් සම්බන්ධයෙන්, 'අභිමන්ත්‍ර සුභාසිරි' ආයතනය හෝ එහි හිමිකරුවන් කිසිදු නෛතික වගකීමක් නොදරයි.
8.2. බලාත්මක වන නීතිය (Governing Law): මෙම සේවා කොන්දේසි සහ ඒ සම්බන්ධයෙන් පැන නගින ඕනෑම ආරවුලක්, ශ්‍රී ලංකා ප්‍රජාතාන්ත්‍රික සමාජවාදී ජනරජයේ නීතියට අනුව පමණක් පාලනය සහ විසඳනු ලැබේ.
8.3. නඩු ගාස්තු: යම් ආරවුලක් හේතුවෙන් නීතිමය ක්‍රියාමාර්ගයකට එළඹීමට සිදුවුවහොත්, පාරිභෝගිකයාගේ පැමිණිල්ල නිෂ්ප්‍රභ වුවහොත් ආයතනයට දැරීමට සිදුවන නීතිඥ ගාස්තු ඇතුළු සියලු නඩු ගාස්තු පාරිභෝගිකයා විසින් ගෙවීමට එකඟ වේ.
8.4. වෙන්කළ හැකි බව (Severability): මෙම ගිවිසුමේ කිසියම් වගන්තියක් නීතිය ඉදිරියේ බලරහිත වුවහොත්, ගිවිසුමේ ඉතිරි වගන්තිවල නීත්‍යානුකූල භාවයට ඉන් කිසිදු බලපෑමක් සිදු නොවේ.
9 ඩිජිටල් ද්වාරය සහ ගිණුම් භාවිතය
9.1. ගිණුමේ ආරක්ෂාව: Client Portal වෙත ප්‍රවේශ වීමට ලබාදෙන මුරපද වල රහස්‍යභාවය සුරැකීම පාරිභෝගිකයාගේ වගකීමකි. ගිණුම හැක් වීමකින් සිදුවන දත්ත කාන්දුවකට ආයතනය වගනොකියයි.
9.2. පද්ධති බිඳවැටීම් (System Downtime): Server නඩත්තු කිරීම් හෝ අනපේක්ෂිත දෝෂ හේතුවෙන් වෙබ් අඩවිය හෝ ද්වාරය තාවකාලිකව අක්‍රිය විය හැක. මෙවැනි අවස්ථාවකදී සිදුවන ප්‍රමාදයන් සඳහා ආයතනයට විරුද්ධව නීතිමය පියවර ගත නොහැක.
10 ගෙවීම්, වංචා සහ Chargebacks
10.1. ව්‍යාජ රිසිට්පත්: ව්‍යාජ බැංකු රිසිට්පත් (Fake Slips) උඩුගත කිරීම බරපතල අපරාධයක් වන අතර, එවැනි අවස්ථාවක ගිණුම වහාම තහනම් කර අපරාධ පරීක්ෂණ දෙපාර්තමේන්තුවට (CID) වාර්තා කරනු ලැබේ.
10.2. Chargebacks: කාඩ්පත් මගින් (Card Payments) මුදල් ගෙවා සේවාව ලබාගැනීමෙන් පසු, ව්‍යාජ හේතු දක්වා බැංකුව හරහා මුදල් ආපසු ඉල්ලා සිටීම (Chargeback fraud) සිදුකළහොත්, අදාළ පාරිභෝගිකයාට විරුද්ධව නඩු පැවරීමට ආයතනය කටයුතු කරනු ඇත.
11 බුද්ධිමය දේපළ සහ රහස්‍යතා රක්ෂණය
11.1. බුද්ධිමය දේපළ: වෙබ් අඩවියේ ඇති කේත, සැලසුම්, ලාංඡන, සහ පාරිභෝගික ද්වාරයේ ඇති අන්තර්ගතය සම්පූර්ණයෙන්ම Shirosh Enterprise ආයතනය සතු බුද්ධිමය දේපළ වේ. ඒවා අනවසරයෙන් පිටපත් කිරීම සපුරා තහනම්ය.
11.2. Screenshot සහ Recording තහනම: Client Portal එක ඇතුළත ඇති රහස්‍ය උපදෙස්, කේන්දර සටහන්, සහ Admin සමඟ කරන Chat පණිවිඩවල Screenshots ගැසීම හෝ ඒවා තෙවන පාර්ශවයකට බෙදාහැරීම නීති විරෝධී වේ. එසේ කළහොත් සේවාව වහාම අවලංගු කෙරේ.
12 අපහාස සහ තර්ජන පිළිබඳ විධිවිධාන
12.1. අනිසි බලපෑම් සහ වගකීම් අහිමි වීම: මුදල් ආපසු ලබාගැනීමේ කාලසීමාව (දින 30 - 150) තුළදී හෝ සේවාව ක්‍රියාත්මක වන අතරතුරදී ආයතනයේ කාර්යමණ්ඩලයට තර්ජනය කිරීම, අසභ්‍ය වචන භාවිතා කිරීම, සමාජ මාධ්‍ය හරහා අපහාස කිරීම හෝ අනිසි බලපෑම් කිරීම් සිදුකළහොත්, අදාළ මුදල් ආපසු දීමේ හිමිකම (Refund Right) වහාම ක්‍රියාත්මක වන පරිදි අවලංගු කර ගිණුම සම්පූර්ණයෙන්ම තහනම් කිරීමට ආයතනයට පූර්ණ බලය ඇත.
12.2. කීර්ති නාමයට හානි කිරීම: කිසිදු සාධාරණ හේතුවක් නොමැතිව අන්තර්ජාලය හෝ වෙනත් මාධ්‍යයක් හරහා ආයතනයේ කීර්ති නාමයට හානි කිරීමට (Defamation) උත්සාහ කළහොත්, ඒ සඳහා රුපියල් මිලියන 10 ක (රු. 10,000,000) වන්දි මුදලක් ඉල්ලා එන්තරවාසි යැවීමට ආයතනයේ නීති අංශය කටයුතු කරනු ඇත.